Адеми ја презеде должноста во ресорот евроинтеграции од Бесими

Новоназначениот вицепремиер за европски прашања Арбр Адеми денеска и официјално ја презема должноста од неговиот претходник Фатмир Бесими, соопшти Секретаријатот за европски прашања.

Бесими на примопредавањето го запознал Адеми со тековните проекти на СЕП, како и со делокругот на работа и му посакал успешно продолжување на патот кон европска интеграција на земјата, нагласувајќи ја потребата од континуитет во работата за реализирање на стратешките цели во областа.

Вицепремиерот Адеми е доктор на правни науки на Правниот факултет во Тирана, има богато научно искуство и ангажмани во областа на правото, зад себе има голем број учества на меѓународни конференции, како и поголем број научни трудови објавени во престижни меѓународни научни списанија.