ХОРОР: Пијан со Аудито ги прегазил на тротоар - ги оставил во локви крв и заминал

Една жена загина, а две лица се тешко повредени во страшна сообраќајка која се случила во Загреб, кога Ауди А3 покоси тројца пешаци на тротоар.

Возачот најпрво изгубил контрола, па искршил неколку заштитни столбови на улицата, а потоа удрил во семафор и налетал на пешак. Аудито кое дивеело на улица, а во кое останал заглавен еден од столбовите, застанало дури по триесетина метри. Од ударот, на лице место загинала 60-годишна жена, додека уште двајца пешаци се тешко повредени.

Сведоците тврдат дека возачот кој лудувал на улиците со бесниот автомобил, веднаш по несреќата ги оставил пешаците во локви крв и избегал. 

- Кога излезе од автомобилот почна да се клати лево-десно, па да вика: Дали знаете кој сум јас? Јас можам се, велат сведоците кои се нашле на местото на страшната несреќа и воедно додаваат дека возачот бил во алкохолизирана состојба. На помош веднаш притрчале случајните минувачи кои го задржале додека да пристигне полицијата.

Во моментот на ударот, околу 50-на луѓе се подготвувале да ја преминат улицата на пешачки. Аудито кое загубило контрола на тротоарот возело барем 100 метри. 

По несреќата се слушнало вриштење. Граѓаните биле во паника, повредените лежеле во крв на улица, а возачот арогантно се дерел.