Прегазено петгодишно дете во Скопје

Петгодишно дете вчера е повредено во сообраќајна незгода што се случила во 12 часот на улицата „Јустинијан Први“ во Скопје.

Детето било повредено така што во него удрило патничко возило марка „застава 101“ управувано од Е. Н. (40). Детето е пренесено во Ургентниот центар во Скопје, каде се констатирани фрактура на черепот и фрактура на лева нога. Тоа не е во животна опасност и е задржано на понатамошно лекување.