За демолирање на канцеларијата на Претседателот демонстрантите треба да платат 15.000 евра

15.000 евра чини штетата направена од демонстрантите на СДСМ и СОРОС на канцеларијата на Претседателот Иванов. Двајцата обвинети кои денеска седнаа на обвинителна клупа ги дочека одложено рочиште на кое требаше да им се суди за учество во толпа.

Според обвинителниот акт, штетата од демолирањето на канцеларијата изнесува 880.000 денари, односно 15.000 евра

Судијката која го води предметот, Весна Петровска-Тагасовска, соопшти дека во обвинителниот акт е наведена целата штета која се однесува на сите демонстранти, но нагласи дека во меѓувреме и стигнал и нов предмет за други демонстранти за кои таа не прифаќа спојување на постапката.

- Не прифаќам спојување на постапката бидејќи не сакам да им го ускратам правото на одбрана на овие двајца обвинети кои изразија подготвеност за признавање на вина. Сметам дека сумата е превисока за само овие двајца обвинети да ја платат и затоа го вратив обвинителниот предлог на обвинителството за да биде прецизирана штетата само за овие двајца обвинети - рече судијката Петровска-Тагасовска, пренесе Плусинфо.

Адвокатот Владимир Данаилов кој ги брани двајцата обвинети, истакна дека неправично е штетата да ја сносат само двајцата демонстранти, притоа додавајќи дека очекува тие да добијат условни осуди од три години.