Нови работни места: Груевски на почетокот на изградбата на втората фабрика на „Ван Хол"
Претседателот на ВМРО-ДПМНЕ Никола Груевски денес ќе присуствува на отпочнување на градежните работи на втората инвестициска фаза на ВАН ХООЛ во Македонија.
Белгиската компанија „Ван Хол“ денеска ќе ја почне втората инвестициска фаза во Македонија, во која се предвидува изградба на нова фабрика во Дирекцијата за технолошки индустриски развојни зони, Скопје 2 - Илинден во која, како што беше најавено на почетокот на годинава, ќе се произведуваат автобуси за европскиот пазар.
Како што беше објавено на крајот на јануари оваа година, инвестицијата на белгиската компанија ќе изнесува 15 милиони евра, а треба да се реализира во следните четири години. Во фабриката треба да бидат вработени 400 работници, а се очекува до 2019 година вкупниот број на вработени во „Ван Хол“ во Македонија да достигне 1.250.
Во правата фабрика што оваа компанија ја отвори во Македонија се произведуваат автобуси за американскиот пазар.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
