Ја славиме Св. великомаченичка Ирина - ова никако не смеете да го правите денеска

Денеска е Св. великомаченичка Ирина.

Пенелопа, така се викаше пред да се крсти, беше ќерка на некој мал цар, чија престолнина беше некојси балкански град Магедон. Родителите и беа незнабошци. Во христијанската вера ја воведе некој учител Апелијан, а потоа неа и нејзините дворски дами ги крсти свети Тимотеј, ученикот на апостол Павле. Света Ирина во срцето се одлучи да живее девствен живот. Кога татко и слушна за тоа, се разлути и сакаше да ја стави на маки, но таа на чудесен начин го обрати во Христовата вера. Подоцна претрпе многу тешки измачувања од неколку цареви. Царот Савориј дури и ја умртви, но Бог повторно ја оживеа. Нејзината проповед и чудата што Бог ги правеше преку неа приведоа многу незнабошци во Христовата вера. Најпосле, таа самата легна во гроб и му кажа на Апелијан да го затвори гробот. Кога по четири дена го отворија гробот, таа не беше внатре. Така Бог ја прослави оваа голема маченичка и светителка.

Народни верувања и обичаи

Старите веруваат дека на денешен ден не треба да се потстрижуваме ниту да ги сечеме ноктите, бидејќи така можеме да навлечеме некоја болест на себе. Исто така, на денешен ден во рака не треба да земате ниту ножици, ниту пила, ниту каков било алат за сечење.