Груевски се сретна со Роберт де Грот

Соговорниците разговараа за актуелните случувања поврзани со политичката криза, предизвиците со кои се соочува државата, како и остварувањето на стратешките цели и интереси на Република Македонија. Груевски истакна дека целта на ВМРО-ДПМНЕ е брзо надминување на политичката криза, и враќање на процесите во нормала, обезбедувајќи сигурност и стабилност потребна на граѓаните, информираат од партијата.

Претседателот на ВМРО-ДПМНЕ Груевски посочи дека при носењето на одлуките партијата се води од интересите на државата, запазувајќи ја волјата на граѓаните, при што на тој план ВМРО-ДПМНЕ е отворена за постигнување на решенија кои би значеле додадена вредност на процесите важни за државата.

Соговорниците разговараа и за евроатланските интеграции на државата при што Груевски посочи дека влезот во ЕУ и НАТО преставува стратешка цел за што и се превземаат активностите и мерките предвидени со акцискиот план, а кој се во насока на унапредување на критериумите во повеќе суштински области од судството, администрацијата, медиумските слободи.

За остварувањето на овие приротиети е добредојдена поддршката од земјите членки вклучително и Холандија која е отворена за соработка и пподдршка во остварувањето на таквите интеграциски цели, истакна Груевски.