На пладне блокада на сообраќајот во Скопје

Сообраќајот во Скопје денеска во 12 часот ќе го блокираат демонстрантите на Шарена револуција и Протестирам. Блокади ќе има на 3 раскрсници во центарот на градот и тоа кај Судска палата, кај Црвениот крст и кај Соборниот храм.

Блокадата е дел од новите акции, кои ќе ги заменат вечерните протести што безмалку два месеца секој ден во 18 часот почнуваа пред СЈО.

Во понеделникот движењата Шарена револуција и Протестирам  побараа до 18 јуни да се исполнат двете клучни барања – Уставниот суд да се произнесе за уставноста на СЈО и да запре прогонот врз демонстрантите.