ВИКЕНД ПРОГНОЗА: Нов пресврт со времето
Денеска е петок, 1 јули 2016 година, 183-иот ден во годината. До крајот на годината остануваат уште 183 дена.
Сонцето во Скопје изгреа во 5 часот и 1 минута, а ќе зајде во 20 часот и 13 минути.
Денов трае 15 часа и 12 минути.
Месечината, која е во фаза на последна четвртина, ќе изгрее во 2 часот и 32 минути, а ќе зајде во 16 часот и 54 минути.
Времето во Македонија претпладне ќе биде сончево и топло, попладне ќе има локален развој на нестабилна облачност со пороен дожд и грмежи, особено во источните делови. УВ-индексот ќе изнесува 8.
Утринската температура ќе се движи од 12 до 20, а дневната највисока температура на воздухот ќе се движи во интервалот од 30 до 38 степени.
Во Скопје претпладне ќе биде сончево, а попладне ќе има услови за локален краткотраен дожд.
Утринската температура ќе достигне до 18, а дневната до 36 степени.
За време на викендот во претпладневните часови ќе биде сончево и топло, а попладне ќе има локален развој на нестабилна облачност со пороен дожд и грмежи. Во почетокот на наредната недела времето ќе биде стабилно со благ пад на температурата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа