Промената на времето опасна за здравјето: Невреме и температурен шок
Денеска е петок, 15 јули 2016 година, 197-иот ден во годината. До крајот на годината остануваат уште 169 дена.
Сонцето во Скопје изгреа во 5 часот и 11 минути, а ќе зајде во 20 часот и 7 минути.
Денов трае 14 часа и 56 минути.
Месечината ќе изгрее во 16 часот и 2 минути, а ќе зајде во 1 часот и 43 минути.
Времето во Македонија претпладне сончево и топло. Попладне од влијание на влажна, нестабилна и посвежа воздушна маса ќе настапи значителна промена на времето. На повеќе места ќе има нестабилна облачност со пороен дожд и грмежи, локално во форма на невреме со засилен ветер и услови за појава на град. Повеќе врнежи ќе има во вечерните и ноќните часови кон сабота, особено во северните делови, каде локално се очекува да наврнат над 25 л/м2.
Утринската температура од 14 до 22, а дневната од 30 до 36 степени. УВ-индексот ќе изнесува 7.
Во Скопје, претпладне сончево, попладне и во вечерните часови нестабилно со пороен дожд ,грмежи и засилен ветер.
Утринската температура ќе достигне до 21, а дневната до 33 степени.
За време на викендот ќе преовладува променливо облачно, значително посвежо и ветровито време со локални врнежи од дожд. Дневната температура ќе опадне за повеќе од 10 степени во однос на денешната и ќе биде во интервал од 20 до 29 степени.
Од понеделник се очекува стабилизирање на времето со постепен пораст на температурата. До вторник ќе дува умерен до засилен северен ветер.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа