Миноски на средба со ММФ за модернизирање на УЈП
Министерот за финансии Кирил Миноски и директорката на Управата за јавни приходи Анастасија Илиеска денеска имаа средба со претставникот на Меѓународниот монетарен фонд Кристофер Барлоу.
Повод за средбата, како што соопшти Министерството за финансии, беше проектот за модернизација на Управата за јавни приходи, кој се одвива под покровителство на Фондот.
Целта на проектот е преку ангажирање и поддршка на експерти од ММФ подигнување и зајакнување на административниот капацитет и организацијата на Управата за јавни приходи.
Овој проект произлегува од долгогодишната соработка на Управата и Фондот и е показател за партнерскиот однос и соработката со ММФ, се вели во соопштението од Министерството за финансии.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
