Детали за страшната сообраќајка кај Демир Капија
Две лица се тешко повредени во сообраќајната несреќа која се случила доцна синоќа околу 21 часот и 40 минтути, на дел од автопатот меѓу селото Удово и Демир Капија. Повредените се префрлени на лекување во Скопје.
Како што информираа денеска од МВР, во сообраќајката кај месноста „Водисир”, учествувале три возила.
- Едно од возилата кои учествувале во незгодата е прилепска сканија влекач со полуприколка, управувана од 61-годишниот Н.С. Второто возило учесник во сообраќајната несреќа е влекач сканија со полуприколка, само со кавадаречки регистарски ознаки. Со сканијата управувал 22-годишниот М.Ѓ од Каваадарци. Третото возило кое било дел од сообраќајката е возило „БМВ” со германски ознаки, управувано од 31-годишниот И.С од Германија, велат од МВР.
Со тешки набиеници на главата и левото рамо и фрактури на ребра, се здобил возачот на патничкото моторно возило. Со повреди на главата и внатрешно крварење се здобил и сопатникот во патничкото возило, лицето Н.Х.С.
Увид на лице место извршила полициска екипа, а сообраќајот бил во прекин од 21.50 часот до полноќ. Како што информриаа од АМСМ сообраќајот се одвива по една коловозна лента.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа