Полицијата упадна во локал во Тетово
При претрес на угостителски објект во Тетово, полицијата вчера привела 17 странски државјанки поради нерегулиран престој и нелегална работа. Изречена им е забрана за двегодишен влез во Република Македонија, а во текот на денот тие ќе бидат депортирани, соопшти МВР.
Како што се наведува во соопштението, вчера во времето од 4:10 до 7:45 часот од страна на полициски службеници од ОКП-Скопје постапено е по Наредба издадена од Судија на претходна постапка при Основен Суд-Скопје 1, при што е извршен претрес во угостителски објект во Тетово. Притоа, поради нерегулиран престој и нелегална работа, приведени се 17 странски државјанки од кои девет државјанки на Бугарија, две на Србија, една на Босна и Херцеговина и пет државјанки од Албанија.
На лицата, соопшти полицијата, им е изречена мерка забрана за влез во Република Македонија во траење од две години. Во текот на денот ќе бидат депортирани од земјата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа