19-годишна кумановчанка се породила во тоалет и го фрлила бебето во река
Во текот на вчерашниот ден во Општата болница во Куманово, на гинеколошкото одделение, со обилно крварење била донесена деветнаесетгодишната А.М. од Матејче. По извршениот преглед од гинеколог е утврдено дека истата се породила во период од 24 часа.
А.М. која што веќе била во поодмината бременоста и за која не постојат податоци дека претходно била лекарски контролирана за бременоста, на 18.08.2016 година почнала да крвари, по што отишла во тоалет во нејзината куќа каде се породила. Истата го извадила бебето по што го фрлила во река што поминува зад нејзината куќа. Откако и се влошила состојбата нејзините родители ја пренеле во Општа болница во Куманово.
Со настанот е запознаен Јавен Обвинител од ОЈО Куманово, по чија наредба од страна на лекар од судска медицина над А.М. ќе биде извршен гинеколошки преглед, а телото на бебето кое било пронајдено ќе биде предадено на судска медицина заради обдукција.
Извршен е комплетен увид на местото на настанот и се преземаат мерки за целосно расчистување и документирање на настанот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
