Осумгодишно детенце тешко повредено во сообраќајка во Велес

Осумгодишно дете е тешко повредено во сообраќајна несреќа која вчера попладне се случила во Велес на улицата „Димитар Влахов“.

Имено несреќата се случила кога 25 годишниот С.С. со автомобил „Волксваген Поло“ удрил во детето кое било на велосипед.

По незгодата детето е пренесено во велешката болница каде му се констатирани тешки повреди, по што е пренесено во Ургентниот центар Скопје.

На местото на несреќата е извршен увид,  а по наредба на јавен обвинител возилото е упатено на вонреден технички преглед.