Акција на полицијата: Фатени 9 мигранти

Вчера околу 23:45 часот во Полициската станица Свети Николе било пријавено дека на регионалниот пат Куманово-Свети Николе, во близина на автобуската постојка за село Мездра, во нивата имало автомобил „Мицубиши Галант“ со германски регистарски ознаки.

Полициски службеници излегле местото на настанот, при што во возилото биле затекнати девет мигранти од Авганистан, кои илегално ја преминале грчко-македонската граница, а возачот на возилото избегал.

Лицата се задржани во Полициската станица во Свети Николе за понатамошна постапка.

Се преземаат мерки за пронаоѓање на возачот и за целосно расчистување на случајот.