Страшна несреќа во кумановско: Изгубил контрола, излетал, па се забил во возило

Возач на мотор е тешко повреден во сообраќајна несреќа што се случи вчера во 17 часот и 20 минути во Кумановско.

 

Турскиот државјанин, 34 годишниот Е.А, кој управувал мотоцикл „јамаха“, исклучувајќи се од автопатот Табановце-Скопје, со намера да се приклучи на магистралниот пат Крива Паланка-Кумановово, кон Крива Паланка, изгубил контрола, преминал на левата сообраќајна лента и удрил во патничко моторно возило „таврија“ кое го управувал 58 годишниот кумановец Т.А, кој се движел од Крива Паланка кон Куманово.

 

Турскиот државјанин се здобил со тешки телесни повреди и по укажаната помош во кумановската болница префрлен е во Ургентен центар во Скопје.

 

Кумановецот  и неговата сопатничка од автомобилот, 56-годишната С.А се здобиле со повреди.

 

Увид на местото на настанот изврши екипа на СВР Куманово.