Џафери се сретна со експерти од правниот сектор на САД
Министерот за правда Валдет Џафери, денеска оствари средба со претставници од Секторот за правда на САД, Кетрин Њукомб, Ерик Трини и Дана Мулхаусер и со претставници од американската Амбасада, Леви Смили и Адриан Исмаили, кои престојуваат во Република Македонија по повод одржувањето на Конференцијата за заштита на верските слободи и спречување на дискриминацијата и на насилството.
Џафери, како што соопшти неговиот кабинет, на средбата информирал за преземените чекори од Министерството за правда во однос на инкриминација на јазикот, омразата и дискриминацијата врз основа на полот, расата, верата, религијата.
На средбата, Џафери ги известил претставниците на Министерството за правда на САД за работната група која е оформена во рамките на Министерството за правда со претставници од различни институции.
Министерот за правда изразил подготвеност за соработка и помош која доаѓа од страна на САД во насока на размена на искуствата од ова област но и од други сфери од правосудството.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа