Пожар во полициска станица во струмичко

Во полициска станица Франгово ноќеска во 02 часот избувнал пожар во подрумски простории на помошен објект на полициската станица. Пожарот е изгаснат од страна на полициски службеници.

Пожарот од засега непознати причини настанал во помошен објект каде се сместени резервоарите со нафта за греење и печката за греење. Од екипа на ЕВН била исклучена и електричната енергија.

Повредени лица нема, а увид на лице место ќе се врши во текот на денот.