Велес центар на добрата музика и вкусна храна - викендов сите патишта водат таму

Питијадата во Велес започна да се одржува вчера, а Каролина Гочева, група Маестро, Љубојна и Агушево и многу други се погрижија за синоќешната одлична забава.

И денес сите патишта водат кон Велес. На истата локација, на просторот пред кафетериите вечер ќе се забавуваат Антонија Гигоска, Мики Секуловски, Наташа Малинкова, Дани Димитровска и Тропико Бенд. Журката ќе ја заокружи настапот на еден од најпознатите балкански музички изведувачи Жељко Јоксимовиќ.

Утре, недела, бината е резервирана за Eye Cue, Нокаут, ДНК и популарните Ван Гог чиј настап и официјално ќе ја заокружи годинешната манифестација.