Крвава несреќа во студентски дом: Легнал на кревет - го однеле крвав во болница
Во 21 часот и 40 минути во Битола, во Студенскиот дом „Кочо Рацин“, седумнаесетгодишник од Битола се самоповредил со нож. Истиот скокнал со грбот на креветот, на кој што по негово кажување имало оставено нож, и се самоповредил. Откако се преслекол, забележал дека на грбот има повреда со обилно крварење. Веднаш потоа 24-годишниот Д.Д. од Охрид и 23-годишниот Н.Д. од Кавадарци, кои биле во собата, со такси возило го однеле во Клиничката болница во Битола. Од страна на лекар констатирани се тешки телесни повреди и истиот е задржан на понатамошно лекување. Увид на местото на настанот извршила увидна екипа од СВР Битола.
Се преземаат мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
