Од утре вакцинација против сезонски грип
Во Центарот за јавно здравје-Скопје од утре почнува вакцинацијата против сезонски грип.
Како што информираат од Центарот, вакцинацијата ќе се одвива од 8 до 18 часот од понеделник до петок и од 8 до 14 часот во сабота. Цената на една вакцина изнесува 400 денари.
Вакцината штити од три типа на вируси ( 2 А и 1 Б) и е наменета главно за лица со хронични болести независно од возраста, за лица над 65 години, за лица со намален имунитет, лица кои се изложени на контакти со многу други лица, здравствени работници и за сите оние кои по своја желба сакаат да превенираат инфекција на грип.
26.10.2016 - 14:12
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
