Жерновски повикан во Суд - се бара кривична одговорност од градоначалникот на Центар

Во врска со објавениот текст на интернет страницата на Општина Центар, со наслов „ ВМРО ДПМНЕ преку судството ја почна одмаздата врз Жерновски“, во кој се објавуваат повеќе дезинформации, во интерес на вистината Основното јавно обвинителство – Скопје има должност да ја информира јавноста велат од ОЈО

Јавните обвинителства, согласно законските одредби не поднесуваат кривични пријави – туку постапуваат по поднесени кривични пријави што ги доставуваат физички или правни лица.

Кривичната пријава за која се зборува во објавениот текст, во Основното јавно обвинителство – Скопје ја има поднесено правно лице против градоначалникот на општина Центар на 26 октомври 2016 година. Кривичната пријава се однесува на постапувањата на општина Центар по барање за утврдување на правен статус за бесправно изграден објект, која што нема допирни точки со друг случај што е експлоатиран во изминатите денови.

Во насока на утврдување на наводите од кривичната пријава, Основното јавно обвинителство – Скопје ги повика пријавителот и пријавениот да дадат изјава. Побарано е и доставување на материјали за проверка на наводите од Кривичната пријава.

Реакцијата на ЈО следи откако општина Центар објави реакција во која вели дека кривичната пријава која денеска ја добил градоначлникот Жерновски била пролитички притисок врз него.