Откриено од што починала трудницата во штипската болница
Токсичен шок најверојатно е причината за смртта на родилката во Штип и нејзиното бебенце. Лекарите од Штипската Клиничка Болница велат дека дале се од себе и се бореле за животот на 26-годишната мајка и нејзното бебе, но не успале да ја спасат.
И од МВР вчера информираа дека во 15 часот и 40 минути телефонски во полиција се јавил лекар од Гинеколошкото одделение при Клиничката болница во Штип и пријавил дека за време на породување починало непознато женско лице.
Полициски службеници излегле на местото на настанот при што било констатирано дека се работи за 26-годишната Н.К.Б.од Штип, која со упат од матичниот гинеколог, најпрво, била примена на Инфективното одделение, каде што здравствената состојба и се влошила, по што била префрлена на Акушерското одделение, по што состојбата уште повеќе и се влошила и починала.
По извршената реанимација бил направен обид со царски рез да се спаси бебето, но истиот останал безуспешен. Било извадено мртво новороденче.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа