Струмица: Застанал пред штаб на ВМРО-ДПМНЕ и го искинал македонското знаме

Во 17 часот и 30 минути во Струмица на улицата „Димитар Влахов“, во Изборниот штаб на „ВМРО-ДПМНЕ“ непознато лице кое управувало возило „Поло“ со непознати регистарски ознаки, застанало пред штабот и преку отворениот прозор од возилото го фатило знамето на Македонија и почнало да го влече. Полицијата информира дека насилникот притоа ја искршил дрвената рачка на кое било истакнато.

Се преземаат мерки за пронаоѓање на сторителот и за целосно расчистување на случајот.