Заев: Ако на вака значајни избори се случи негативен резултат, тогаш ми завршува политичката кариера

Претседателот на СДСМ, Зоран Заев гласаше во Струмица, по што рече дека ова е историски ден за граѓаните на која што се бира за живот, за иднина на нашата држава.

-Ова денес е ден на кој се бира за напредна, слободна и единствена Македонија. Прв чекор кон тоа е слободно изразена волја на граѓаните на Република Македонија. Се надевам дека и токму тоа денеска ќе се случи. Ако на вака значајни избори се случи негативен резултат тогаш ми завршува политичката кариера, но не размислувам на оваа варијанта, зошто зрела е Македонија, животот се враќа и убеден сум дека победуваме. Веќе размислуваме како да се втурнеме, да го подобриме и унапредиме животот и она што го ветивме пред граѓаните, изјави Заев.