Буџетот на општина Дебар за 2017 година над 312 милиони денари
Советот на општина Дебар, на денешната седница последна за оваа календарска година го усвои Предлог-буџетот на општината за 2017 година.
Буџетот е проектиран на 312 милиони и 250 илјади денари и споредено со годинашниот е „потежок“ за 20 проценти.
Според Ќазим Ќормемети, раководител на секторот за финансии, најголем прилив и следната година се планира во ставката дотации.
- Во делот на приходите најголем процент отпаѓа на ставката дотации или 165,8 милиони денари, потоа даночни приходи 59,5 милиони, донации 18,5 милиони, капитални приходи 17,9 милони, неданочни приходи 15,5 отсто и кај ставката трансфери 35 милиони денари, изјави Ќормемети.
Советниците на денешната редовна седница ја усвоија и одлуката за реализација на буџетот, како и Програмата за работа на Советот на општината за идната година.
На седницата усвоени беа и неколку документи од сферата на урбанизмот, а разгледани се и дрги прашања од надлежност на Советот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа