Утрово се разбудивме со снегче, а што не очекува во текот на денот?

Времето утрово е умерено до значително облачно понекаде со слаб претежно северен ветер. Слаб дожд врне во Крива Паланка и Претор, а слаб снег во 7 часот врне во Пожаране, Лазарополе, Штип, Берово и Маврово.

Претпладне ќе има услови за појава на слаб снег во западните и северните делови, преку денот ќе биде променливо облачно со слаб јужен ветер. Температурата ќе биде во интервал од 3 до 9° С.

Во Скопје променливо облачно со слаб претежно североисточен ветер и со температура до 4 °С.