Мухамеди: Ахмети ќе се води од разумот и ќе коалицира со ВМРО-ДПМНЕ
Лидерот на ДУИ, Али Ахмети, води една лукава политика која на крајот ќе резултира со одлука да се коалицира со ВМРО-ДПМНЕ, нагласува политичкиот аналитичар Нијази Мухамеди и додава дека Ахмети ќе се води од разумот, а тој вели дека во овој момент за ДУИ е подобро да ја задржи актуелната владина коалиција.
– Албанците не треба да се влечат ни зад СДСМ ни зад ВМРО-ДПМНЕ. Но, во последно време СДСМ се обидува да ги употреби Албанците против Македонците и обратно. Ахмети сепак ќе одигра лукаво и ќе донесе одлука за коалицирање со ВМРО-ДПМНЕ – анализира Мухамеди за Телеграф.мк.
Тој е дециден дека во најлоша варијанта Ахмети би прифатил некаква техничка влада или нови избори, но не и коалиција со СДСМ.
– Иако се мисли дека ДУИ на овие избори освои помалку пратеници, тоа не е точно бидејќи ако се одземат гласовите на Албанците што отидоа кај СДСМ, односот помеѓу нив и ВМРО-ДПМНЕ ќе биде повторно седум-осум пратеници – вели Мухамеди.
Според него, малку е веројатно дека овој пат странскиот фактор ќе се меша во составувањето на владата и ќе го поздрави финалниот договор.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
