Пукање во Демир Хисар - полицајци затекнале страшна глетка
Вистинска морничава слика вчера можела да се види во Демир Хисар. Во 11 часот и 35 минути во полиција се јавил 52-годишниот С.Д. од селото Белче, демирхисарско, претседател на ловно друштво ЗЛ„Долина на мечките“, и пријавил дека кај местото „Колитатков дол“ во атар на селото Железнец, слушнал повеќе истрели од огнено оружје. Полициски службеници излегле на местото при што биле затекнати Д.Т. и Д.М. ,шумски полицајци, а на различни локации на растојание од 2-2,5 километри пронајден бил отстрелан дивеч.
Една срна била пронајдена во близина на службено возило „Лада Нива“, дива свиња пронајдена била во дол и на околу 150 метри од неа пронајдени се шест мртви прасиња.
Увид на местото извршила екипа од СВР Битола, а пронајдениот дивеч со записник бил предаден на ЗЛ„Долина на мечките“-Демир Хисар. Се преземаат мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
