ВМРО-ДПМНЕ Прилеп: СДСМ да кажат што направи нивната криминална банда за нашиот град

Едноставно се прашуваме дали овие луѓе кои се појавуваат на прес-конференции на СДСМ живеат во Прилеп? Токму заради нивната несериозност и нереалност, желбата по 10 изборни циклуси Прилеп да го вратат во минатото се уште живее, велат од ВМРО-ДПМНЕ- Прилеп.

Во продолжение следува интегрален текст од прес-конференцијата на ВМРО-ДПМНЕ- Прилеп.

Само овие поединци сакаат Прилеп да биде најзабатален град во РМ, како до 2005 година кога Велески беше млад функционер. Но, колку повеќе ги гледаат граѓаните нивните ликови на ТВ толку поголема ќе биде разликата на следните локални избори. Следниот пат кога ќе излезат на прес, ги замолуваме да кажат што нивната криминална банда направи за Прилеп?
Мислевме дека Велески ќе се усрами од тоа што тој и неговите сопратијци го сторија, па никогаш нема да си дозволи ни да застане пред општината која ја уништија, а камоли да одржува прес- конференции.

Г-дине Велески,

Во ова што го зборувате не веруваат ни вашите вработени во Микрон тек.
Сумата од 200 милиони се пари од блок дотации, пари за плати…

И чудно е ова Вие да не го знаете! Оваа сума која ја спомнувате, доколку ја имаше општина Прилеп ќе беше најбогатата општина во Европа.

А каков ефект имаат пресовите на Сашо Велески покажуваат поразите што ги има доживеано како политичар досега. Вкупно десет во сите форми и обиди.

Најдобро беше бидејќи немате ниеден проект реализиран во вашата кариера, пресот да го одржите пред АД Микрон бидејќи на тој терен сте најдобри, а во политиката – вечен губитник.