По изјавите на Соколи дека ќе убиел 200 лица - денеска сведочи Командант Малишева за „Дива населба“

По минатото рочиште за хоророт во Дивата Населба, на кое сведочеше Командант Соколи, денеска во Судот ќе биде ислушан Командант Малишева или Мухамед Красниќи, предложен како сведок на одбраната. Командант Малишева од Косово важи за еден од водачите на кумановската група која одговара за тероризам и за терористичка организација, пишува Телегрраф.

Според информациите од МВР што ги објави по апсењето на дел од групата во Дива населба, Мухамед Красниќи бил дел од ОВК, командант на 113. бригада и бил вклучен во обиди за создавање паравоени структури за Илирида. Според МВР, тој бил инволвиран во недозволена трговија со дрога и оружје, организирање криминал и еден од осомничените за нападот во Гошинце.

Инаку, на минатото рочиште, беше ислушан Командант Соколи кој изјави пред присутните дека мисија на кумановската група била реализација на Охридскиот рамковен договор. Сами Укшими рече дека не е терорист, туку патриот и дека дошол во Македонија за да ги брани правата на Албанците, и дека не бил Командант, бидејќи ако бил ќе имало 200 мртви.