Стоилковиќ: Тиранската платформа ги исклучува помалите етнички заедници од политичкиот, економскиот и социјалниот живот во Македонија

„Се покажа дека тиранската платформа ги исклучува помалите етнички заедници од севкупниот политичко, економски и социјален живот во Македонија“, изјави Иван Стоилковиќ од Демократска партија на Србите во Македонија во „Отвореното студио“ на ТВ Нова.

Тој додаде дека усвојувањето на тиранската платформата може да го доведе во опасност функционирањето на Република Македонија како мултикултурно општество во коешто припадниците на помалите етнички заедници, согласно европските стандарди, ги уживаат сите права.