АНКЕТА ИПИС: Забрзано расте рејтингот на ВМРО-ДПМНЕ по изборите
Доколку следната недела се одржат нови парламентарни избори за ВМРО-ДПМНЕ би гласале 27,1% од граѓаните, а за СДСМ 21,8%, покажува последната анкета на Институтот за политички истражувања – Скопје (ИПИС).
Според анкетата, за ДУИ би гласале 4,6% од анкетираните, за ДПА 0,9%, Алијансата би добила поддршка од 1,1% од граѓаните а БЕСА од 2,1%.
Меѓу етничките Македонци ВМРО-ДПМНЕ има голема предност пред СДСМ. Анкетата покажува дека најголемата македонска партија би ја поддржале 34,3% Македонци, а СДСМ би добила поддршка од 24,3%.
Меѓу Албанците со најголем рејтинг е ДУИ. 21,4% од етничките Албанци би гласале за ДУИ, додека 13% за СДСМ. БЕСА има поддршка од 9,7%, Алијансата 5% а ДПА 4,2%
Во споредба со изборите одржани на 11 декември, ВМРО-ДПМНЕ има раст на рејтингот од 25,5% во декември на 27,1% на последната анкета.
СДСМ загубиле од довербата 2,6 процентни поени паѓајќи од 24,4% на 21,8%.
Мал пад на рејтингот има ДУИ, а значителни загуби регистрирале ДПА, БЕСА и Алијансата на Албанците.
Анкетата е спроведена телефонски во периодот од 11 до 13 март врз репрезентативен примерок од 1100 испитаници.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа