Пандов: Реално е да се очекува дека бројот на луѓе на протестите ќе се зголемува
Не само што нема да опадне бројот на протестите, многу е реално за очекување да се зголемува бројот на луѓе. Ослободени се и информирани луѓето, вели политичкиот аналитичар Александар Пандов во емисија „Ѕид“ на Алфа телевизија.
-Притисокот кој го имаше Македонија и македонскиот народ во минатите години, ова е резултат. Мора да се отфрли онаа Тиранска платформа. Главен „окидач“ за покренување на луѓето на улица е токму таа. Прифаќањето на таа Тиранска платформа од страна на Зоран Заев и СДСМ и како платформа која е основа за формирање на идна влада се причината, вели Пандов.
Тој додава дека кажано и јасно е дека како основен услов за давање на потписи за мандат да добие Заев била токму таа Тиранска платформа, односно нејзиното прифаќање.
-Прифаќањето на тиранската платформа значи дека Македонија нема да постои таква каква што ја имаме денес. Имплементацијата на платформата би значело менување од корен на Македонија, додава аналитичарот Пандов.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа