„Баба Марта" си оди: Временска за последниот ден од март

Времето во Македонија ќе биде променливо облачно со сончеви периоди. Во југозападните делови на земјава ќе има зголемена облачност и услови за локален дожд. Ќе дува слаб до умерен ветер, претежно од северен правец.

Утринската температура ќе се движи од два до осум, а дневната од 15 до 22 степена.

Во Скопје претпладне сончево со умерена облачност, а попладне ќе има зголемување на облачноста. Ќе дува умерен ветер од северен правец. Утринската температура ќе се спушти до шест, а дневната ќе се искачи до 22 степена.

Во наредните денови не се очекува значителна промена на времето. Ќе биде претежно стабилно и суво, но локално, особено во вторник и в среда, ќе има повремени локални врнежи од дожд и пад на темпертурата.