Спиро Ристовски на Фејсбук со супер вест за студентите
Заменик министерот за образование и наука, Спиро Ристовски на својот ФБ профил објави дека најдобрите студенти од првите три рангирани универзитети во Република Македонија, согласно Законот за високото образование и годинава ќе имаат можност бесплатно да патуваат и престојуваат на атрактивна туристичка дестинација во Европа.
За оваа намена Министерството за образование и наука веќе го објави јавниот повик, кој ќе биде активен за пријавување до 13 април, а на избраните кандидати во целост ќе им бидат покриени трошоците за сместување, исхрана, авионски превоз.
Патувањето за најдобрите студенти е една од 40-те мерки за млади кои беа најавени минатата година и интензивно се реализираат.
31.03.2017 - 09:01
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа