Неготино: Да се зачува македонскиот јазик и нашето битие
Протестен марш и вечерва се одржа во Неготино, пред присутните се обрати Никица Танчорова, апсолвент на применета политика и дипломатија.
– Денеска ова е наш повик. Повик да го зачуваме нашето постоење, нашиот јазик и нашето битие. Нашите потомци да се сеќаваат на македонски херои и македонски песни, да се запишеме во историјата како храбар народ кој ја сакал и зачувал својата земја, а не народ кој ја предал и продал. Затоа сме овде. Затоа 30 дена неуморно и трпеливо маршира Неготино, маршираат Скопје, Ресен, Охрид… маршира Македонија, рече таа.
Маршира, нагласи, оној дел од граѓанството кој заслужува поздрав и поклон.
– Ги повикувам и другите, да се охрабрат, да бидат дел од оваа обединетост, да сме заедно, додаде Танчорова.
Македонскиот народ секогаш на крај победува, рече таа.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа