ВМРО-ДПМНЕ: Манифестот за Единствена Македонија е излез од кризата, но СДСМ оди спротивно на сопствениот народ

Зоран Заев е најголемиот криминалец кој некогаш заталкал во политиката. Колку има украдено, рекетирано, затаено тој и неговите најблиски соработници од криминигено раководство на СДС е главното прашање кое си го поставува јавноста бидејќи гледа дека по ниедна цена не помислуваат да ги отфрлат уцените и да се откажат од распродажбата на националните и државни интереси, велат од ВМРО-ДПМНЕ.

Во продолжение следува интегрален текст од соопштението на ВМРО-ДПМНЕ.

Станува се поочигледно дека со предавници, лажговци и криминалци како што се СДС не може да се постигне никаков договор кој не би бил на штета на државата.

Напротив, тие кројат планови како недемократски да почнат да ја спроведуваат Тиранската Платформа. Тие се подготвени и на сила да ја погазат волјата на народот, националните и државните интереси.

Затоа револтот на граѓаните расте секој ден.

Најпрво СДС одбива да се откаже од Тиранската Платформа, чии елементи водат кон разнебитување на државата.

Потоа СДС премолчи и за најавите на албанскиот МНР дека токму тие елементи треба да се преточат во Устав на Република Македонија.

Сега СДС отворено кажува дека има план како на сила и да го реализира.

Ова е многу сериозно сценарио во кое се вплеткува СДС.

Ова сценарио нема да помине. Народот е против Тиранска Влада и Тиранска Платформа во Македонија.

ВМРО-ДПМНЕ како сериозна и одговорна партија понуди излез од политичката криза. Тоа е Манифестот за Единствена Македонија.

Овој манифест е гаранција на унитарниот карактер на Македонија и најдобар одговор на негирањата кон македонскиот народ, државните симболи и иредентизмот кој го промовираат домашни, но и странски субјекти.

СДС оди спротивно на сопствениот народ.

Затоа стравот на граѓаните од идните политички дејства на СДС е оправдан.

Затоа народот е на нозе!

Затоа Македонија се буди!

 

 

 

06.04.2017 - 10:14

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа