Тепачка во Куманово- тешко повредено едно лице

Полицијата од Куманово поднесе кривична пријава против 32-годишниот И.С. и 47-годишниот Д.А. , двајцата од Куманово, поради постоење основи на сомнение за сторено кривично дело „насилство“. На 18.02.2017 година во с.Проевце, кумановско, пријавените ја загрозиле сигурноста и извршиле грубо насилство над 27-годишниот М.Б. Пријавените го удирале со тупаници во пределот на главата и со клоци во пределот на стомакот, при што му нанеле телесни повреди, а со тоа во јавноста предизвикале чувство на загрозување, страв и несигурност.