Променливо и нестабилно време и во наредните денови
ВРЕМЕТО ДЕНЕС
Претпладнето времето беше сончево и топло, во западните делови со мала до умерена локална облачност. Попладне под влијание на влажна и нестабилна воздушна маса од Медитеранот, во западните делови настапи зголемување на облачноста и преовладуваше променливо на повеќе места нестабилно со краткотраен пороен дожд, грмежи и засилен ветер. Овие процеси повеќе беа застатени во планинските предели и тоа Шарпланинскиот масив, Полошката котлина, Кичевскиот регион, Македонски брод, Солунска Глава. Во Скопската котлина имаше зголемување на облачноста проследена со грмежи и умерен северозападен ветер.Нестабилноста се движеше од југозапад према североисток. Во моментов се уште е нестабилно јужно од Скопската котлина, во планинските делови каде има пороен дожд и грмежи.Така можно е во јужните делови на скопската котлина да има краткотраен пороен дожд, грмежи и зсилен ветер.
ВРЕМЕТО ДО КРАЈОТ НА ДЕНОТ
До крајот на денот како и во вечерните часови во западните делови од земјава ќе се задржи променливо и нестабилно со локален краткотраен пороен дожд, грмежи и засилен ветер, особено во планинските предели. Во останатите делови ќе преовладува сончево и топло време со мала до умерена облачност и со слаб до умерен југозападен ветер. Во текот на ноќта времето ќе биде ведро и посвежо со умерена облачност и со слаб ветер од западен и југозападен правец.
ВРЕМЕТО УТРЕ
Претпладне сончево со умерена облачност, попладне променливо на повеќе места нестабилно со пороен дожд и грмежи, особено во североисточните и источните делови. Ќе дува умерен ветер од западен правец, кој на западот од земјата ќе се засилува. Т-мин. од 6 до 12 а дневната највисока температура на воздухот ќе се движи од 19 до 27 степени.
Скопје Претпладне сончево со умерена облачност, попладне променливо и нестабилно со локален пороен дожд, грмежи и засилен ветер. Температурите од 11 до 25 степени.
ВРЕМЕТО ВО НАРЕДНИТЕ ДЕНОВИ
Следува период на променливо и нестабилно време, во попладневните часови со локален пороен дожд и грмежи. Утре и во недела нестабилно ќе биде на повеќе места, особено на северот и истокот од земјава. Во сабота не се очекуваат врнежи, но ќе дува повремено засилен северозападен ветер кој ќе донесе осетно спуштање на дневната температура. Пооблачно и ветровито со северен ветер ќе биде и во понеделник и вторник, кога под влијание на нов влажен бран врнежи од дожд се очекуваат во поголемиот дел од земјава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа