Ахмети средба со Амбасадорот на САД, Џес Бејли

Претседателот на Демократсата Унија за Интеграција се сретна со Амбасадорот на САД во Скопје, г.Џес Бејли.

 

Лидерот Ахмети и Амбасадорот Бејли разговараа околу формирањето на новата реформска Влада и за политичката ситуација во земјата и во регионот.

 

Г.Ахмети истакна дека ДУИ е посветена на реформите во земјата, почнувајќи силно од реформирањето на судството и владеењето на правото.

 

Преку спроведување на реформите, Македонија ќе помогне во враќањето на меѓународниот фокус и што поскоро интегрирање на земјата во НАТО и започнување на преговорите за членство во Европската Унија.

 

Други приоритети на новата Влада остануваат и добрите меѓуетнички односи и Охридскиот Договор заедно со подобрувањето на животниот стандард, економскиот развој и отварање на нови работни места. 

 

Ахмети изрази уверување дека идната недела, Македонија ќе има нова реформска влада.