Ахмети: Планираме да истераме четиригодишен мандат
Лидерот на ДУИ, Али Ахмети, заедно со Централното претседателство на ДУИ, синоќа во Мала Речица ги изгласа предлозите за министри и вицепремиери во новата Влада која треба да ја формира мандатарот Зоран Заев.
На синоќешниот состанок во Мала Речица, Ахмети ги предложил Хазби Лика за вицепремиер за спроведување на Рамковниот договор, Бујар Османи за вицепремиер за евроинтеграции, Булент Салиу за министер за правда, Садула Дураку за министер за екологија.
Предложени се Крешник Бектеши за министер за економија и Рамиз Мерко за министер без ресор.
По состанокот Ахмети изјави дека планираат новиот владин состав да функционира четири години, до крајот на мандатот.
На наредната средба на ДУИ ќе се одредат и замениците-министри директори и раководители на новата Влада.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
