Симулациска вежба за спасување при катастрофи во реката Вардар

Општинскиот Црвен крст од Велес во рамки на проектот „Обука и опремување на тимовите за одговор при катастрофи“ што го имплементира со подршка на Ротари клуб од Велес денеска во Велес во водите на реката Вардар под Мало Мовче и на кејот, тимот за одговор при катастрофи изведе симулациска вежба.

Вежбата се однесуваше за спасување на давеници во Вардар при случај на земјотрес и поплава.Тимот за одговор при катастрофи при Општинскиот Црвен крст делуваше брзо и со макара и гумен чамец ги спасуваше давениците, а  на кои потоа на пункт на кејот, екипа на подмладокот на Црвен крст и екипата по прва помош од Гимназијата „Кочо Рацин“ им укажувашее прва помош и ги реанимираше давениците.

Како што изјави Петре Петрушевски одговорен на тимот за одговор при катастрофи при Општинскиот Црвен крст од Велес,  вежбата беше успешно изведена.

-Целта на вежбата беше да покажеме дека без големи материјални и технички средства со едноставен систем на макари и јаже и со еден гумен чамец може да се обезбеди транпорт и пренесување на настрадени од едната на другата страна на реката Вардар во ситуација кога се би било разрушено, појаснува Петрушевски.

Инаку вежбата се изведе и со поддршка на Одделот за одговор при катастрофи на Црвениот крст на Македонија и Општина Велес.