Пеколот почна да ги полни болниците - препораки за заштита

Времето во Македонија ќе биде сончево и топло. Претпладне со мала до умерена облачност, а попладне ќе има изолирана појава на локална нестабилност со локален пороен дожд и грмежи особено во југоисточните делови.

Утринската температура ќе се движи од 12 до 20, а дневната од 30 до 36 степени. УВ-индексот ќе има вредност 9.

Во Скопје слично време, сончево и топло со умерена облачност. Утринската температура ќе се спушти до 19, а дневната ќе достигне до 35 степени.

Продолжува периодот на многу топло време со натпросечни максимални дневни температури. Уште потопло се очекува да биде во четврток кога долж Повардарието и Пелагонија се очекува температурата да достигне 40 степени. Не е исклучено во петок и сабота наместа температурата да се надмине и 40 степен.

Институтот за Јавно Здравје на Македонија апелира до граѓаните да ги почитуваат општите препораки за заштита од високите температури поради тоа што земјава е зафатена од жолтата фаза.

Се препорачува до граѓаните заштита од директно изложување на сонце, избегнувајќи излегување надвор од 11 до 17 часот, да се носи лесна облека, заштитни очила и капа, да се конзумира лесна храна и пијалоци, особено треба да обрне внимание на припремата и конзумирањето на храната, како и да се избегнуваат термички примпремени производи, како на пример мајонез од домашните  јајца и внимателно да се конзумира сладолед и разни кремови, да се внесува поголема количина течности, најдобро обична вода, а да се избегнуваат алохолните пијалоци.

До граѓаните се препорачува за време на овие многу топли денови да се остане во затворени простории главно климатизсирани, а кога е потребно да бидат надвор за овој временски период, да најдат можност за почести одмори под сенка. 

Најзасегнати пациенти од покачувањето на температурите се  болните со хипертензија, срцеви болести, бронхијална астма, хроничен бронхитис, опструктивна хронична пнеумопатија, дијабетес, тиреотоксикоза, инсуфициенција на бубрезите, ментални и нервни болести како паркинсонова, алцхајмерова болест, шизофренија, деменција итн.

Можни се гастро-интестиналните инфекции и интоксикациите со храна. Инфекциите од храната, се предизвикуваат од салмонела, шигела итн, како на ниската лична хигиена, од јадење на неприпремен зеленчук, неприпремена или неправилно конзервирана храна како: месото, јајцата, саламите, морските плодови, млекото, салатите итн.

Интоксикациите поради храната доаѓаат од прехранбените производи со токсична содржина на стафилококус, паразити итн. Интоксикациите се случуваат од употребата на храна со поминат рок, храна што е неправилно приготвена, или неправилно стоплена итн.

Топлото време го зголеми и бројот на здравствените прегледи во Здравствените установи во земјава.

 

 

 

27.06.2017 - 09:02

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега