Трагедија во Македонија: Маж се удави додека ловел риби
Педесет и две годишен маж од село Дреново се удавил вчера во водите на езерото кај браната Лисиче, општина Чашка.
Од полицијата информираат дека околу пладне додека Ѓ.Ј. и Б.И. (52), двајцата од Дреново, ловеле риба на браната Лисиче, виделе дека во езерото има тапа. Б.И. скокнал во водите да ја извади, по што потонал и не се појавил на површина.
Веднаш биле повикани полициски екипи како и нуркачки тим од Единицата за специјални задачи кои околу 18:15 часот го пронашле телото и го извадиле од езерото.
03.08.2017 - 09:46
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа