Сообраќајка кај Стажа- меѓу повредените се и две деца

Три лица од кои две деца на возраст од 8 и 6 години се полесно повредени во сообраќајната несреќа која вчера попладне се случи на патот од Стража кон Гостивар. Како што информиравме во текот на вчерашниот ден патничко комбе „Фолксваген Тигуан“ во белоруски регистерски ознаки излетало од патот во провалија.

Комбето било управувано од Б.С. (33) од Белорусија, а како сопатници биле две жени Б.И. (33) и Р.Л. (31), и две деца, осум годишно девојче и шест годишно момче.

По несреќата со возило на итна медицинска помош, Р.Л. и двете деца биле пренесени во гостиварската болница каде им се констатирани полесни повреди и по укажаната лекарска помош се пуштени од болница.

На местото на настанот извршен е увид од страна на полицијата, а најверојатно причина за сообраќајката е неприлагодена брзина кон условите на патот.