Несреќа во скопско: Се преврте трактор управуван од дете

Вчера попладне  на тампониран пат кој го поврзува надвозникот во село Кадино со викенд населбата се случила сообраќајна незгода во која трактор ТАФ со скопски регистарски ознаки, управуван од 12 годишно дете од село Идризово-Скопје  изгубил контрола и излетал од патот при што тракторот удрил во металната жичана ограда од автопатот.

По случената незгода детето со возило на Брза помош е пренесено во Ургентен Центар-Скопје, каде му се констатирани тешки телесни повреди и по укажаната лекарска помош е задржано на лекување.