Пеколот попушти, но не за долго - ова се моменталните температури

Со дождот и ветрот од викендов пеколот малку попушти. Времето денеска во Македонија сончево со мала до умерена облачност и со слаб до умерен северен ветер.

Минималната температура ќе се движи од 8 до 16 степени, а максималната температура ќе биде од 23 до 33 степени. УВ индексот ќе изнесува 8.

Од денеска следува период на стабилно и потопло време. Дневната температура ќе биде во постепен пораст, но ќе се задржи во рамките на просекот за овој период од годината.