Убиецот на Бојку Леку пукал и кон неговиот син - крвавото убиство пред очите на преполната плажа

Пред очите на преполната плажа и неговиот син, Дилавер Бојку Леку вчера беше убиен на Аква Блу во Струга, среде бел ден во 17 часот и 45 минути. Засега непознат напаѓач испукал куршум од огнено оружје кој го погодил Д.Б. во пределот на главата, по што почнал да бега, но синот на Д.Б. со уште едно лице се стрчале кон напаѓачот во обид да го фатат. Како што информира МВР, напаѓачот испукал неколку куршуми и кон нив и избегал.

Повредениот, велат од полицијата, бил пренесен во струшката болница, каде по кратко време починал. Полициски екипи извршиле увид на местото на настанот, а телото на починатиот по наредба на јавен обвинител е предадено на обдукција. 

Во јавноста веќе се шират гласини дека се работи за крвна одмазда. Сведоци на крвавиот инцидентот кој се случи сред бел ден биле бројните капачи.